ZhasАtyrau - молодежный портал города Атырау

Шәкірті әлем чемпионатынан ұтқан медальін ұстазының мойнына тақты

Просмотров - 940
08.07.2018

7-ші шілде күні Атырау әуежайында Хорватия астанасы Загребте өткен күрес түрлерінен жасөспірімдер арасындағы әлем чемпионатының қола жүлдегері Жалғасов Бекзатты спорт жанашырлары мен тума-туыстары салтанатты түрде күтіп алды.

Әлемдік додада қазақ балуандары жалғыз ғана медаль еншіледі. Бұл жүлденің иесі жерлесіміз атанып отыр.
— Алдымен менің еш қиындықсыз дайындалып, жарыстарға баруыма мүмкіндік жасаған облыстық спорт басқармасына алғысымды білдіремін. Хорватия елінде кіл мықты деген балуандар жиналған. Үздік үштіктен көрінудің өзі қиынға соқты. Дегенмен ұзақ уақыт тынымсыз дайындықтың жемісін көрдім, — дейді Бекзат.                                              
Бекзат бапкері Аслан Жаманбаевқа жеңіп алған медальін тағып, жаттықтырушысына деген алғысын білдірді. Әлем чемпионатының қола жүлдегері бұнымен тоқтап қалар емес. Ол енді Олимпиада ойындарына қатысып, еліміздің әнұранын шырқатуды мақсат қойып отыр.

Расскажи друзьям
Читай так же